Cha-Ching အကြောင်း

Cha-Ching သည် အသက် ၇ နှစ်မှ ၁၂ နှစ်အရွယ်ကလေးငယ်များအား သူတို့၏ကိုယ်ပိုင်ပန်းတိုင်များနှင့် အိပ်မက်များ ကိုရရှိစေရန် အသိပညာ၊ နည်းလမ်းများနှင့် ငွေကြေးဆိုင်ရာ ဆုံးဖြတ်ချက်များချရန် လိုအပ်သည့် အလေ့အကျင့်များကို ဖြည့်ဆည်းပေးနိုင်ရန် ဒီဇိုင်းထုတ်ထားသော ငွေကြေးစီမံမှုတတ်မြောက်ရေး အစီအစဉ်တစ်ခုဖြစ်သည်။

Cartoon Network Asia၊ Prudence Foundation နှင့် ကလေးများ၏ ပညာရေးကျွမ်းကျင်သူ Dr. Alice Wilder တို့မှ ဖန်တီးထားခြင်းဖြစ်ပြီး၊ ဇာတ်လမ်းဇာတ်ကြောင်းများ၊ တေးဂီတဗီဒီယိုများ၊ ရုပ်ပြများနှင့် သင်ရိုးညွှန်းတမ်းများသည် ငွေ၏အဓိကသဘောတရားလေးရပ်ဖြစ်သည့် ငွေရှာခြင်း၊ စုဆောင်းခြင်း၊ သုံးစွဲခြင်းနှင့် လှူဒါန်းခြင်းအပေါ် ဦးတည်ထားပါသည်။

ဤလမ်းညွှန်ချက် များက မိဘများ ကို သူတို့၏ကလေးငယ်များ နှင့် ငွေရှာခြင်း၊ စုဆောင်းခြင်း၊ သုံးစွဲခြင်း၊ လှူဒါန်းခြင်းဆိုင်ရာ သဘောတရားများ ကို ပျော်ရွှင်ဖွယ်ရာ ကောင်းအောင် နှင့် အပြန်အလှန် နားလည်အောင် ဆွေးနွေးကူညီပေးနိုင်ဖို့ အားပေးထားပါတယ်။

• ငွေရှာခြင်း ပိုက်ဆံကို သစ်ပင်ပေါ်က ခူးလို့မရပါ... သင်ကိုယ်တိုင်ရှာရပါမယ်။ အကယ်၍ သင် ငွေစုဖို့၊ သုံးစွဲဖို့ ဒါမှမဟုတ် လှူဒန်းဖို့အတွက်ဆိုရင် အရင်ဆုံး ငွေရှာရပါမယ်။
• စုဆောင်းခြင်း ငွေစုခြင်းက ရေတိုနှင့်ရေရှည် ရည်မှန်းချက်များ အောင်မြင်ဖို့ရန်သာမက အရေးပေါ်အခြေအနေများအတွက် စုဆောင်းထားဖို့အတွက်လည်း အရေးကြီးသော အလေ့အထတစ်ခုဖြစ်ပါတယ်။
• သုံးစွဲခြင်း ပိုက်ဆံအကြောင်း ကလေးများကိုမေးမြန်းတဲ့အခါ သုံးစွဲခြင်းကပဲ ကလေးတွေ စိတ်ထဲမှာ ထိပ်ဆုံးကပါနေတတ်ပါတယ်၊ ဒါပေမယ့် လိုအပ်တာနဲ့ လိုချင်တာကို ခွဲခြားထားဖို့က အရေးကြီးပါတယ်။
• လှူဒါန်းခြင်း လှူဒါန်းခြင်းရဲ့သဘောတရားက ကျွန်တော်တို့ လူ့အသိုင်းအဝိုင်းများကို ထောက်ပံ့ရာမှာ အရေးကြီးပါတယ်။ ကလေးများကို သူတို့ရဲ့အချိန်၊ ပစ္စည်း (သို့) ငွေများကို မိမိထက် ပိုမိုလိုအပ်နေသူများထံ လှူဒါန်းဖို့ အားပေးပါ။