អំពី ឆាឈីង

ឆាឆីងគឺជាកម្មវិធីអក្ខរកម្មហិរញ្ញវត្ថុ បង្កើតឡើងសម្រាប់កុមារអាយុចាប់ពី៧ ដល់ ១២ឆ្នាំ ដោយបង្ហាត់បង្ហាញពួកគេនូវចំណេះដឹង វិធីសាស្រ្ត និងការអនុវត្តនានាដែលពួកគេត្រូវការដើម្បីធ្វើការសម្រេចចិត្តលើរឿងហិរញ្ញវត្ថុ ដើម្បីសម្រេចគោលដៅ និងក្តីស្រមៃពួកគេ។

កម្មវិធីឆាឈីងនេះត្រូវបានអភិវឌ្ឍន៍ឡើងដោយមូលនិធិ Prudence ជាមួយនឹង Cartoon Network Asia និងបណ្ឌិត Alice Wilder អ្នកជំនាញផ្នែកកុមារ។ សាច់រឿង វីដេអូចម្រៀង រូបត្លុក និងកម្មវិធីសិក្សាផ្តោតសំខាន់លើមូលដ្ឋានសំខាន់ចំនួនបួន អំពីលុយគឺ ការរកចំណូល ការសន្សំ ការចំណាយ និងការបរិច្ចាគ។

សេចក្តីណែនាំនេះ លើកទឹកចិត្តអោយអាណាព្យាបាលពិភាក្សា និងជួយកូនៗ អោយយល់ពីវិធីរកចំណូល សន្សំ ចំណាយ និងបរិច្ចាគ តាមវិធីសាស្រ្តប្រាស្រ័យទាក់ទងបែបកំសាន្តា

• ការរកប្រាក់ចំណូល លុយមិនមែនកើតដោយខ្លួនឯងទេ៖ អ្នកត្រូវខំរក។ ហើយប្រសិនបើអ្នកចង់សន្សំ ចំណាយ ឬបរិច្ចាគ អ្នកត្រូវតែរកលុយជាមុនសិន។
• ការសន្សំ ការសន្សំប្រាក់គឺជាទម្លាប់ដ៏សំខាន់មួយសម្រាប់គោលដៅរយៈពេលខ្លី និងរយៈពេលវែង ក៏ដូចជាសម្រាប់គ្រាមានអាសន្ន។
• ការចំណាយ នៅពេលសួរក្មេងៗអំពីលុយ ពួកគេតែងតែផ្តោតលើការចាយវាយ។ ប៉ុន្តែវាពិតជាសំខាន់ណាស់ក្នុងការបែងចែកពីភាពខុសគ្នារវាងតម្រូវការ និងចំណង់ចង់បាន។
• ការបរិច្ចាគ ការបរិច្ចាគគឺ សំខាន់ណាស់ដើម្បីជួយគាំទ្រសង្គមរបស់យើង។ ចូរជម្រុញលើកទឹកចិត្តក្មេងៗឱ្យបរិច្ចាគពេលវេលា របស់របរប្រើប្រាស់ ឬថវិកាសម្រាប់អ្នកដែលខ្វះខាត។